‘समाचार लेख्न पैसा असुल्छन्–पत्रकारहरु’

यो कल्पना होइन, वास्तविकता हो । कथा होइन, यथार्थ चित्रण हो । अतिरञ्जना होइन तीतो भोगाई हो, भुक्तभोगीहरुको । हो, समाजमा सञ्चारकर्मीको खोल ओडेर अपत्रकारिता गर्नेहरुको ‘नेपथ्यको कालो’ सत्य यही हो । सञ्चारमाध्यम, जसले निरन्तर सूचनाको प्रवाह गर्छ । सूचनाका संवाहक सञ्चारकर्मीको यस्तो घिनलाग्दो कार्यले सम्पूर्ण निष्पक्ष पत्रकारिता गर्ने पत्रकारको पेशा र इमान्दारिताप्रति नै उपहास गरेको छ । तमाम सञ्चारकर्मीको निधारमा कालो धब्बा पोत्ने ति कथित पत्रकारहरुलाई सम्पूर्ण मिडिया हाउस र सञ्चारकर्मीले नै बहिस्कार गर्न सक्नुपर्छ । अन्यथा पत्रकारकै चरित्रमा समाजले खोट लगाइरहने छ । आफै दाग लागेका पत्रकारले अन्यको खोटको सत्य–तथ्य संप्रेषण गर्छन् भनेर आमसर्वसाधारणले कसरी पत्याउने ?

यो कुरा त्यति टाढाको पनि हैन । काठमाडौंबाट केही किमी मात्र दुर वीरगञ्ज, पर्सा जिल्लाको हो । पर्सा जिल्ला अर्थात् वीरगञ्जमा यस्ता घटना दिनहुँ भइरहने स्रोतले ठोकुवा गरेको छ । वीरगञ्ज भ्रमणको क्रममा पंक्तिकारले स्थानीय केही व्यक्तिहरुसँग पत्रकारिताको विषयमा कुरा गर्दा स्थानीय पढेलेखेकैले सुनाएको अपच लाग्ने घटना हो–यो । हो, स्रोतल भन्छ–पैसा कमाउन जे गर्न पनि तयार हुन्छन्, त्यहाँका पत्रकारहरु । स्रोतको यो पनि जिकिर छ कि–वीरगञ्जमा यदी कसैको डर, त्रास छ भने त्यो स्थानीय पत्रकारकै हो । स्थानीय पत्रकार विभिन्न वाहानामा पसल, शैक्षिक संस्था, फाइनान्स जस्ता सेवामूलक व्यवसायसँग पनि झिनामसिना कुरामा खोट देखाई रकम असुल्ने गर्छन् ।

झुम्का डट कमबाट साभार गरिएको
पुरा समाचार पढन यहाँ क्लिक गर्नुहोला
http://jhoomka.com/blog/detail/260/491/-