तस्बिर गुगलबाट
कान्छी मौन छे अचेल; मन भित्र हुन्डरी लिएर।
धुम्मिएर बसेकी छ आंधी आउने
आशामा।
सोच्छे आंधी अनि त्यो पछिको बर्षातमा पखालिनेछ सबै मनका मैलहरु।
त्यसै त्यसै साह्रै सुस्त छे उ।
बोलाइमा गराइमा अनि भोगाइमा जिबनको।
कुनै बेला सूर्यमुखी फुल झै फक्रीएकी कान्छी उमंगले जिवनको।
हाँसीखुसी मयुर रंग झै कल्पना अनि चाहनाले।
मस्कंदै अनि जिस्कंदै उत्साहले।
सुखद भबिष्य अनि सुखद जिबनको कल्पनाले।
छुनुमुनु गर्दै, चहचहांउदै अनि गाँउदै मिठा गितहरु जिवनको एक्लै।
उक्लंदै जब जिवनका खुंडकिलाहरु।
पार गर्दै दुरीहरु जिबनकै।
कान्छी मौन छै अचेल, थामीएर पाइलाहरु।
बढेर मनका ब्यथाहरु, त्यसैले।
सोच्छे आंधी अनि त्यो पछिको बर्षातमा पखालिनेछ सबै मनका मैलहरु।
